"Қасында үнемі қара көзілдірік таққан білекті жігіттер жүреді": Қабылбек ұстаз өзіне сыйға тартылған джип көлігін көрсетті

Ол бұл туралы желіде бөлісті, деп хабарлайды Caravan.kz медиа-порталы.

"Аға деп құрмет көрсетіп темір тұлпар мінгізген бауырларыма Алланың нұры жаусын. Бір бірімізді тірімізде бағалаудан айырмасын. Баршаңызға жұғысты болсын", — деген ол желідегі жазбасында.

Әзірге Атымтай жомарттардың кім екендігі белгісіз.

Жалпы Қабылбек Әліпбайұлы ел арасына уағыздарымен ғана емес "стильімен" де танымал. Оның өңірлерге уағыз айтуға қара көзілдірік тағып, бір топ білекті жігіттермен, VIP номердегі қымбат көліктерден тұратын кортежбен барып жүргенін видеоларынан көріп жүрміз.

Қабылбек ұстазға көпшілік "Әр мұсылманның тұлпары осындай болсын", "Полат Алендар ұқсап не істеп жүрсің? Айтқан уағыздарыңа қарсы жүріп бара жатырсыз. Қарапайым болмайсыз ба? Қасыңдағылары палачтары сияқты, суық өте" деген сынды түрлі пікірлерін жазады.