"Ойына келгенін жасайтындарға тиым жоқ па?": Серікзат Дүйсенғазы көзі кеткен ақындардың сөзін өзгерткен әншілерді жауапқа тартуды ұсынды
27.07.2023 18:11
Опубликовано в
Қаз
| Айтыскер ақын Серікзат Дүйсенғазы ақын Есенқұл Жақыпбектің өлеңіндегі мәтінді өзгерткен әншіге шара қолдануды талап етті. |
Бұл туралы ол Facebook-тегі парақшасында жазды, деп хабарлайды Caravan.kz медиа-порталы.
«Бәзбір жас әншілер Есенқұл Жақыпбек ағаның «Өзіңді аңсап» деген атақты өлеңіндегі «Сен туған ауыл, ел-жұртың неткен бақытты, Өзіңді күнде жүретін көріп көзбенен» деген жолын «Күніге сені жүретін көріп көзбенен» деп өзгертіп алыпты. Автордың көзі кеткен соң осылай ойына келгенін жасайтындарға тиым жоқ па? Авторлар қоғамы арқылы жауапкершілікке тарту керек шығар? Zhaken Omarov, Sayat Medeuov достарым, бұған не дейсіздер?», – деді Серікзат Дүйсенғазы.