Өзінен сегіз жас кіші жігітке тұрмысқа шыққан Жәнел Мақажан қазақша гендер-пати жасап, бала жанысын анықтады

Бұл туралы Caravan.kz медиа порталы Stan.kz-ке сілтеме жасап хабарлайды.

Ерлі-зайыпты жақын достарының басын қосып, ерекше стильде гендер-пати жасады. Баланың жынысы белгілі болмай тұрып жұлдызды жұп өздерінің болжамын айтты. Жәнелдің айтуынша, түс көргенін айтып, қыз екеніне сенімді болған. Алайда кейбір белгілер дүниеге келетін сәбидің ұл екенін білдірген. Актриса екі ойлы болғанын жасырмады. Ал актёр Абай Асылхан бұрымдының әкесі болатынына сенімді екенін айтты.

Жиын барысында қазақтың екі батыры үлкен сандықты көтеріп, ортаға қояды. Сандықтың ішінен шағын қоржын, қоржыннан сәбидің жынысы жасырылған қобдиша шықты. Ерлі-зайыпты қыздың шашбауын көргенде толқығаннан көз жасына ерік берді.

“Қыз деп айттым ғой. Жүрегім сезді. Жүрегім қатты толқып тұр”, – деп әсерімен бөлісті Абай Асылхан.

“Қыз ба, ұл ма деп көп ойладық. Баланың жынысын анықтайтын білетін уақыт келді. Сүйінші! Біз сені күтеміз, балапан”, – деп жазды Жәнел Мақажан.