Ақтауда тұрғын үйдің кіреберісіндегі маңдайша құлап, бір адам қайтыс болды

Ақтауда 9 шағын аудандағы тұрғын үйдің кіреберісіндегі маңдайша құлап, үш адам зардап шекті. Бір адам қайтыс болды. ҚазАқпараттың мәлімдеуінше зардап шеккен екі адам Маңғыстау облыстық ауруханасына жеткізілген. Жағдайлары тұрақты. «Оқиға орнында полиция қызметкерлері жұмыс жасап жатыр», — деді Маңғыстау облыстық Полиция департаментінің баспасөз қызметі.