"Жатырының жағдайын жасау керек": Сексолог ерлі-зайыптыларға төсек қатынасы арқылы байлыққа кенелуге болатынын айтты
06.04.2023 18:05
| Сексолог маман Жаннұр Дәуренбекова ерлі-зайыптыларға төсек қатынасын дұрыстау арқылы бақыт пен байлыққа жетуге кеңес берді. |
Ол бұл туралы "Қыздар арасында" бағдарламасында айтқан, деп хабарлайды Caravan.kz медиа-порталы.
"Жалпы ер мен әйел отбасын құрған кездегі жамбас түйістірудің маңызды екені о бастан белгілі. Киім үтіктеп, тамағын дайындап, ата-енесіне сәлемін салғаннан ештеңе өзгермейді. Егер мына жақта көк көрпелері күлкілдеп-бүлкілдемесе.
Оны орынды пайдалану керек. Сонда ғана әйел адам күйеуінің жағдайын жасап, енесіне күліп шайын береді. Әйелдер "Пәленшенің күйеуі алтынмен аптап, күміспен қаптап отыр. Менікі сөйтпеді" дейді. Жатырының жағдайын жасау керек. Жатыры арқылы күйеуінің табысты болуына көмектесу керек. Жатыр деген сөздің мағынасының өзі "Бала жатыр", "Ол жерде ақын да жатыр. Ғалым да жатыр" деген сөз. Ол жерде бақыт та, байлық та жатыр", — дейді маман.