Өскемендегі кітапхана желі қолданушыларының талқысына түсті
14.03.2023 17:01
| Защита шағын ауданындағы №11 кітапхананың сиқы әлеуметтік желі қолданушыларының талқысына түсіп жатыр. |
Әлеуметтік желіге кітапхананың суретін жариялаған Бейбіт есімді азамат нысанның осыншама тозып кеткеніне назар аударады. Оның постына пікір қалдырғандар бұған кітапхана басшылығының да кінәсі барын атап өтеді. «Біздің елдің жетіскен тұсы» дейді екіншісі, деп хабарлайды Caravan.kz медиа-порталы Ulysmedia.kz сайтына сілтеме жасап.
Кітапхана.кз ақпарат көзінің мәліметіне қарағанда, кітапханаға тұрақты түрде 2650 адам келіп, кітап оқып, алып жүреді.
Филиалдың негізгі қоры 12 280 басылымнан тұрады. Кітапханаға 70-ке жуық газет-журнал келеді. Нысан пайдаланушыларға электронды тасымалдағыштар, толық мәтінді деректер базалары, интернет ресурстары туралы ақпаратты ұсынады.