Ерлан Қарин қайтыс болған әнші Darkhan Juzz-ге арнап жазба жариялады
09.03.2023 00:00| Қазақстандық жас әнші Darkhan Juzz-дің қайтыс болды. |
Мемлекеттік хатшы Ерлан Қарин қазақстандық әнші Darkhan Juzz-дің қазасына байланысты көңіл айту жазбасын жариялады. деп хабарлайды Caravan.kz медиа-порталы.
«Қаралы хабар естігенде төбемізден жай түскендей болдық. Дарынды әнші Darkhan Juzz Дархан Жүнісбеков өмірден өтіпті. Дархан қазіргі заманғы қазақ музыкасының жарқын өкілі еді. Жарқырап жанып келе жатқан жұлдыздың мезгілсіз ағып түскені қабырғамызды қайыстырды. Еліне бергенінен берері көп, қазақ музыкасын дамытуға үлкен үлес қосатын азамат болатын. Амал нешік, ажал оны арамыздан ерте алып кетті. Алдың жарық, топырағың торқа болсын, Дархан! Сенің жарқын бейнең өнеріңді қадірлейтін жұрттың жүрегінде мәңгі сақталады!» – деп жазды Қарин желідегі парақшасында.