Татарстанда яңа уңышның беренче көзге бодае тикшерелде
03.08.2026 11:06
Опубликовано в
Новости
Татарстанда яңа уңыштан җыелган беренче көзге бодай партиясе лаборатор тикшерү узды.
Чүпрәле районыннан китерелгән 94 тонна ашлыкның сыйфаты югары дип бәяләнде.
Тикшеренү нәтиҗәләре буенча, бодайга өченче класс бирелде. Ашлыктагы аксым күләме 16,2 процент тәшкил иткән, ә билгеләнгән норма 12 проценттан ким булмаска тиеш.
Белгечләр билгеләп үткәнчә, беренче партиянең сыйфат күрсәткечләре быелгы уңыш өчен яхшы нәтиҗә булып тора.